Zoram Ngaih Hla

ZORAM NGAIH HLA

Zanin chu ka lunglen min hnem turin
Ram chhung leh pawn telephone bu te ka han thlir a
US unaute ka ngai
Zampui tlangdung Aw Manipur
Rangoon pawh zali kan chuang e

Aw zoram min nghilh bik suh ang che
Dawn changin Zoram kan ngai vawng vawng
Hmangaih biathu inhlan bang lawng aw

Zanin shillong tlang chhawrthla eng hnuaiah
Pianna zoram hmangaih ber te lenna
Kolasib ngaih a zual
Lenrual lungduh zawngte
Kan ram ngeiah hlimin an leng
Len ve hun aw ka nghakhlel

Zawmna:
Mi ramah zawng lunglen a na e
Lam ang lo let ka nuam e
A rei tawh lawng e
Min lo nghak la
Inthen tawh lawng aw

Zanin chu ka lunglen min hnem turin
Rualhlui zawngte autograph address ka thlir a
Hmana rualhlui famta te ka ngai
Hranghlui zaimi fam ta te ka dawn changin
Luaithlipui ka nul leh thin

Zaleng Hei Zawng Zingah

ZALENG  HEI  ZAWNG  ZINGAH


Zaleng hei zawng zingah hian
Min hnem  thiam reng an awm lo
Ka vai ruai e zaleng zingan
Ka lungdumtu reng an awm lo

    Suihlung a leng em mai aw nang then chu
    Zan khua tlai in a thar leh thin lairil ah
    Hmanah mi u tiam thu ‘d’ aw min hnemtu
    Dawn ti thar sei mai tur an maw
    Ka lo tawn che

Hmanah kan tiam thu ‘d’zawng kha
I hai der leh si a na lua e
Hmangaih biahthu min hlan zawng kha
A der mai maw min lo hlan.

When You Go Home

When You Go Home

When you go...
Tell them of us....

Zingtian bo ar zaitin thiama lo zai,
Zan mu tho ru hmelma  ral a hrang e.

Ram hmangaih valrual te’n raltiang an kai ta e.
Chhailai lung Di tawn leh ni tur tiam in,

Biahthu an hlan aw in tawng leh ang maw.
Mahse chhuihthangvalan ti hian biahthu a hlan ta.

“When you go, when you go home,
Tell them of us and say:

Hringnun  hlimte’n i hman ve nan-
Fam khawpui ka lawi ta e!”

Hrailengte’n zuapa tangah pawmin,
Biahthu  an hlan lam ang let leh turin.

Mahse hmangaih mamte,
Duhthu i samsual ta maw!

Tunge Ruati I Ngaihzawng

TUNGE RUATI I NGAIHZAWNG

Tunge hril zo vang ka suihlung len reng hi
Uaiin an til zo ta kan hlim lai nite kha
Ngaiin au mah ila se bo hnu khar sawn iang
Engdang lung kham i maw nang nen leng dun ila

Rianghlei ka tan hrilh a rem lo maw
Uai hnu nun hlui auh mai lo chu
A dang si thin lenna tlang te
Tuar a har ngei ka tan hian maw?

I zun leng ngaia suihlung len reng mai hi
I sakhmel tawn changin hrilh a rem silo
Ngaih lungrun min dawn ve chang ni awm ang maw
A zual zel thin laia nang ngaih lunglen hi

I thlir ve em chhawrthla eng no ruai khi
Han chang ila sakhmel thapui iangin
Zawng chhuak na nge ka lung di kha
Awmhar tah lai ka bang na nge
Ngai reng renga nunhlui dawn hi

Theih Chang Se

Theih Chang Se

1. Mahriakte a awmhar run nghah changin,
Nghilhni awm lo rawllai di te kha.
Ka dawn ngai lo aw ka lo dawn phak mawlh lo,
Tiang reng a nun hlui ngai tur reng hian.

Theihchang se siahthing zar  bel ,thuva iang a lendun;
Ka nuam ngei e tu dang ngai lo te in I tangah bei ve I la.

Duhaisam mai hi maw ka chan tawk le,
I dawn lung ruk reng hre si lo khan e;
Biahthu di ka lo hlan ve che khan,
Lunglai a na nem ten min chhang si lo.

2. Thin lai na ngei kei a riangrai rah tan hian,
Mahse a riang chantawk khuarel lo ni.
Aw le damten lenlaini chenzel la,
Min dawn pui ve maw ka chan tawk hi.

Theihchang se thang van siar Chawngmawii leh Hrangchhuana iang a;
Amte a in di in lenlai par tlan ve in lei lunglawm a kim ngei ang

Thamam

T  H  A  M  A  M


Thamam tuanna tlang a lo dang a;
Mahten lunglen ni ka chhiar,
Vangkhua leh nang ngai reng reng hian
Tapin  luai thli ka lo nul maw!


    Thamam, Thamam dawn ve thin che maw ?
    Hlim leh lawma kan lenlaini te,
    Zan khua rei reng dawn zo lo va,
    Awih lai PerhkhuangTingtang rimawi nen;
    Zai tin kan vawr lai zan khaThamam,


Tinkim ka dawn khawl ni te hian;
Lung reng hi a awi thei lova,
Lungrual tea kan lenlai zawng kha
A chamreng thin thin laiah

Runmawi

Run mawi

1. Zankhua a lo tlai hianin
Kai nan runsang kan mawi
Suihlungrual za a lengin
Hlim zai kan vawr thin

Chorus:
Leng zawngte kimna ber Runmawi
Lanu chhuihthangval rual kan lawina

2. Tu dang leng dang kan ngai lo
Rimawi tingtang nen
Khawi lam tuan zai rel lo hian
Lunglen thu hril za e

3. Eng dang dawnlo reng hian e
Chawltui ning zu rui a
Han belh chang nit e hian e
Anka nem te’n min chhawn

4. Kan lawina run hmingtha hluan
Kan chawi nang che runmawi
Chungkhuanu leng hual zelin
Kumtluang run mawi teh la

Rose Par Rimtui

Rose Par Rimtui


Suihlung len zual changin, ka thlir vel kan chhuah tlang
Partin vul a kai chiai e, chhem dam thli nen
Thal romei a zam kai chiai e,  lung min len zual thin
Tlai ni ka len zo lo.

Rose par rimtui min thliah la, hmangaihna rose par rimtui
Suih lung dam nan e, min hlan la sakhmelmawi

Tawnmang lamah chuan e, kan len dun a
A thianga thutin hlanin, len lai kan chen
Mahse hai ang thang a hawi velin, nang ngaih vang hian e,
Luai thli ka nul leh thin

Chutin sakhmelmawite, duh ai ka sam thin a
Kumtluanga buan ang pawmin, run hmun nuam ah
Fanau mal tluana chawi dun turin
Kumtluan atan e, nuthai chang mai the la

Perhkhuang Zaitin Thiam

PERHKHUANG ZAITIN THIAM


Mahriak awmhar run nghak a,
Tinkim dawn chang ni ten
Hai ang thang thin suihlunglen
Mahse nang ka kiangah
Suihlunglen hril pui tur leh
Zaitin vawrpui turin
Ning lo ten i awm fo thin
Ka perhkhuang zaitin thiam

Aw nang nen chuan in e
Suihlung len hi
Lungrual ten kan hril dun thin,
Ka perhkhuang zaitin thiam.

Nang ang renga lungrualpui,
Suihlunglen hril tur hi;
An awm si lo nang lo chu.
Vanhnuai khuavel an hian
Bang lo ten chhunni zan tlai
Khua pawh var thin mah la,
Hringmi leng zawng tan hian maw
Rimawi i chang reng thin.

Nghilh Bik Suh Aw Rinpui

1. Sul hnu chhui leh nunhlui ngaih zawng,
Awmkhua a va har lua e;
Ka ngai em che ka ngai vawng vawng che,
Ngaihzual ka ngai em a che.


Engvang nge maw nang nen kan in tawn,
Nghilh ni reng I awm si lo;
Lai khum zal a tlai khua kan var lai,
Nghilh bik suh aw Rinpui.


2. Hmangaih biang a kan fawp lai kha,
Ka dawn ngai lo sam ang then;
Chutin hlimte a biah thu hlan laite,
Han dawn ve ang che aw.


3. Hmangaih eng dang vang mah a ni lo,
Ka tling zo lo a ni e;
Suihlung chhirin lo kir leh mah la,
I tan ka rem tawh love.

Ngaihzual Nang Nen

Ngaihzual naNg nen

1. Awmhar chang ni hian ka hawi vel tlang tin
Khawian nge suihlung min lentu Di
Tawn leh ni her se, suihlunglen biahthu
Hrilh ka nuam ngei e, Ngaihzual, nang nen

Chorus:
Lenna khua hmun lo kar mah hla se la
Aw, Ngaihzuali
Thinlai lungruk ah duhai sam changing
Len ka nuam ngei e, Ngaihzual, nang nen

2. Nang tawnloh nan kumtluang a sei tur leh
Riakmaw iang ka tahna sei reng hi
Thinlai lungruka ka ka dawn chang ni hian
Hlimlai ni par ang a chuai kei zawng

3. A rang vaiin khua tin fang mah ila
Ka tawng lawng nang nag lung min len hi
Tanglaiah duh te’n buan ang pawm ve in
Nui dun ang hlim te’n, Ngaihzual, nang nen

Nang Ngaih A Zual

Nang Ngaih A Zual

1. Kim ten ka dawn kir thin asin,
Karah hmelma dawt thu leng zawng;
Nem ten tuar zai rel mai lo khan,
Tang dang belh zai I rel si maw.

Nun hlui khuarei chang tur hi ka dawn in,
Thinlai a hnim ruai e;
Zantiang chhawrthla a lo en chang hian,
Nang ngaih a zual thin e.
Thal romei a zam chiai e,
A saw raltiang tlang cham dur nen;
Lung min len e awmkhua a har ngei,
Nang ngaih a zual thin ngei.

2. Tang dang belin lung her mah la,
Hlim ten kan lenlaite dawn in;
Nghilh zai rel har I ti lawng maw,
Dawn chiang lo vin lung I her leh si.

3. Nghilh zawng I har dawn thin mang e,
Engkim mai hian nang min ngaih tir;
Bawihte a pawi ngei e nang nen,
Dam chhung sam ang kan in then tur hi.

Min Vei Ve Rawh

Min Vei Ve Rawh

Thal favang  lenkawl engri riai hnuai an,
Chul mai lo se vanglai nun ngaihlai mi u.
Min vei ve la duh ten ka chawi nang che,
I thai kawi thu tin di mai zawng a tawk lo.

Eng dang reng reng hian lung lai a luah mawlh lo,
Nang ngai reng reng hian zan mu ka chhing thei lo.
Tu dang ngai lo ten leg dun I la aw ka di lenmawi,
Kumtluang run lum nuthai chang ngei  ang che aw!

Eng dang reng dawn thei hian ka mawi si lo,
I sak hmelmawi leh an ka nem lungdumtu.
Thinlai I cham reng thin lungrun pui,
Lenna tlang a dang tawn ni I awmsi lo.

Dawn ve thin ang che aw a riang val hi,
Nang ngaih I tawnah  suihlunglen ka hril vang hian.
Suihlung her in ka ring lo che mi u,
Lengdang tang nem zawngbel lul suh aw Thuampui!

Min Hrilh Rawh Zanin Ngeiah

MIN HRILH RAWH ZANIN NGEI-AH


Hun hei leh chen hi i sulhnu zuiin;
Biahthu ‘d’sawi ni tam reng nen,
Engtikah nang ngaih biahthu ‘d’ka hril;
Nem ten min chhan ve dawn ang le?


Engtikah nge maw kei ka lawm nan reng,
Ka lam  hawia anka nem in;
Biahthu ‘d’dam ten thlah ve zai rel a,
I lunglen thu min hrilh dawn le?


    A falte’n kan in tawng leh tawh lawng e,
    Zan a rei khua ka tlai  thlawn e,
    Ka hrilh tam ta che, i tawngkam nghakin;
    Aw min hrilh rawh zanin ngeiah.


Mahriaka lunglen tuar ka zuam nem maw;
Lung ka mawl tin kim ka dawn in,
I suihlung rukah i duh leng thlang la,
Tum tawk  helin ka liam tang’e.

Luah Loh Lungdi

UAHLOH   LUNG   ‘D’


Ka rawn fang leh hmana kan tuanna tlang;
Tuahpui lehv au an vul leh ta,
Kan sul i hnu khuarei an chang zo ta;
Hring leh thar hnah nem ten lo bawm
Hmanah chuan maw a bahsam thlahmawiah
Kan thliah senhri nauban a tawn;
Tunah erawh vul leh sang thinglerah;
Thliah loh ten par vel ta’ng ant i

    Tawnmang em ni lung lem ka nei lo,
    Ka hawi vel a ka tawng silo
    Zun leng erawh a cham tang laiah
    Luah loh lung ‘d’nghilh ni awm lo.

Tawnmang silo maw kei zawng ka ring lo;
A mi tawnah zamual i liam,
Kumtluang kha chen kha sul ang ka zui sa
Heti mai a ka then tur hi.
Tawn mang lamah kan zalna run danglo
Hai ang thangin lunglam ka vai;
Ka chul ruai ruai kan zalna laikhum hi,
Ka thleh nem puan mai maw lo ni ?
Ka zawng leh dawn ka thinlai lungdamna;
Thliahloh thingsiri zar hnuai an;
A riangte khatu zunah uai ang maw;
Heti maiah ka then tur hi

Luah Loh LD Hmeltha

LUAHLOH LD HMELTHA

Kan hlimlaini a liam mai tur hi,
Ka phallo aw ka di nang ngaihlai;
Eng biahthu hriain nge maw suihlung i her tak?
Aw ka ngai em a che luahloh LD hmeltha.

*I mawi chuang bik asin i lenrual zingah hian,
Furkhaw thiang chhawrthla eng i iang e;
Ngaihnobei chuang hmangaih par ka thliahpui silo,
Aw ka ngai em a che luahloh LD hmeltha*

Kan runah nuthai chan min tiam a,
Kan silh leh fen ang fen min tiam a;
Lianchhung annem ka phu loh val i tawn vanga,
Suihlung min hersan hi tuar a har na ka ti.

Hmangaihna chhingmit del vang emni?
An hai lo leng zawng ten kan nunhlui,
Kan hlimthlaa suihlung kan rual lai ka thlirin;
Ka tuar zo dawn nemmaw luah loh LD hmeltha.

Leng Lengin

Hmanah chuanin kan run In sumtual ah
Hrai duh leng nen nau ang kan nui za;
A mi hrai leng dang reng ngai lo te’n
|uanna mual dang turreng kan dawn lo.

    Leng  leng lengin
    Zawng \hin mah la;
    I tawng lawng nge
    He lei Chinah

Tunah erawh khawvel parmawiin
   Ka hrai duh lai chawnbanah a kai;
  I chan tur ka dawn sei ngam lo,
  Ka hrai duh lai, lam ang lo let rawh

Ka hra duh lai ka enchim lohte
   Khawiah chuan laikhun zal \hin che maw?
  I chun leh zua iang reng hmangaihtu,
 Vanhnuai he lei chinah an awm lo.

Lungdam tea zanmu chhin a har,
   Thinlai rukah ai ang i cham reng;
   Hringnun sual maw kar min lo danle,
   I chun leh zua nauang kan \ap e.

Kar A Hla

KAR  A    HLA


Thal khaw romei tlang tin bawmtu;
Zolentu leh lelthang zai nen;
Tuangtuah par tlan sirva lengrual,
Chung muvanlai ‘d’tawng lo nen
Min ban ‘d’zun  ka tang laiah
Thuva in ‘d’lamtluang mawitu;
Phengphe leng leh vah khuai par tlan;
Siah thing zar bel zaitin rem thiam;
Uleuh, Dawlrem, Thlang kaw mu nen
‘D’ ngaihlung len zai kan lo sa.

    Aw kar a hla, duhlai mi u;
    Min dantu lamtluang a sei lua e,
    Lunglen biahthu thaikawi bawngte
    Thleng zo ang maw  i ka ‘d’runah

Tlaitla lenkawl a sen ruai e,
Riak  mawrun ‘d’nau ang tap a;
Zantiang chhawrthla a lo kai hian;
Ka rau i thla tlang tin pe lin
A lawi mi u i run ngeiah
Zan khua tlaia run sang kaiin;
Laikhum thlehnem mahten ka bel,
Thangril zan mu ka chhingnem maw;
Awmhar zantiang zan tin ka chhiar;
Awi a leng e, a leng vawng vawng

Mizoram Tan

Thal favang ni kawlah eng no nghial e,
Tlangtin a hring mawi e;
Nungcha lengten siahthing zar mawi an bawm
Hlimten zai vawrin tlai ni an awi.

    Kan vanglai hun leh ni zawngte,
    Kan ram tana hlan zelin;
    Fam dairial pawh chang ila,
    Kan sakruang MIZORAM TAN

Lanu valrualte’n i par kan dawn e,
Vahkhuai ang kan lawina;
Tlangtin, mualtin Zofaleng zawngte hian,
Suihlung rualte’n chawi zel nang che.

Ram tana tuartu thlafam chang tawhe,
Nghilh ni awm thei si lo;
Lungduh par vul lai an chul mai tur hi,
Ka ngai ngam lo aw thinlai rukah.

Lungngaih chum zing buaina thleng \hin mahse,
Kian ni a awm ngai e;
Hliampui tuarin ral lian tawng \hin mah la,
|ang fan fan la, Aw lungphang suh la.

Tlang tin mual chuanin ka thlir vawng vawng thin
Ka hmangaih Zoram nuam;
Rianghleite’n nui hiauva laitual lenna,
Awih ka nuam e aw kan ram nuam hi.

Ka Phu Lo Che

KA THLIR KA DI LENNA TLANG

   

           Ka thlir ka di lenna tlang,
        Tah sawn a leng nui hiauvin;
        Min dawn ve maw ariang te hi,
        Thinlaiah min vei ve maw.


        Biahthu di zawng zawng kan tiam na a,
        Ka ring zo lo,
        I \awngkam mawi leh \ha;
        Kei mi mawl mai hian ka phu lo che,
        Dawn reng i ti tam mai thlawn.


    Nang tawn lohna khua reng hi,
     A sei dawn mang e maw Parte;
    Mahse khuanu’n min hual ang a

Ka Chan Tawkah Ka Lungawi Lo

KA CHAN TAWKAH KA LUNGAWILO


Ka chantawk ka lungawilo,
Ka dam chhan ka luah zo si lo,
A riang kei mi iang an awm lo’nge;
Ka nghak sual thadang mi u,
Ka tap thin nunhlui ngaiin,
Ka dam  chhan ka luahzo si lo;
Kha chen kha hal lo ten kan leng,
Tunah zamual min liam san

    Aw rairah ka riang em mai;
    Dawn lem hi ka nei si lo,
    Lung ka mawl em mai tawng loh va
    Khiang awi a zamual min liam san le.

Khiang mah awi  lang e Parte,
Ka nghilh lo che aw D.D.
Nunhlui i han thlirsuihlung lenin
A riang val mi dawn ve rawh
Dawn kir teh Parte Lungchhir,
Lo la, chun leh zua tawnah,
Kei chu he ti reng tur a lo piang,
Bangin ka mawi lo nang ngaih

Aw! Kan nun khua hrui ang in,
A la sei dawn si a Lungrun;
A riangval ka tahna tur reng’an
A piang khuanu hual in

I Chul Tur Hi Zoawi Lelte

Vanhnuai thang hming tha chuang,
Khuavel thang chhuak a’n mawi;
I lo pian hringmi hei zawng zinga’n,
Khuanu chawi hminglian tha rualkhumin

    Engtin ngai ang maw Zofa leng zawngten,
    Zoawi Lelte ti maia i chul tur hi.

Ka ngaithiam thei ne’m le,
I zng zawng te’n,
Timaia rihsang mual liam kan tiam nem,
Mahse, auh kir rual i chang si lo.

I dawn kim lo em ni?
Zofaten kan chan hi?
I tel lo chuan e kan Zoram hi,
Kalsiam r>lin ka ring thei lo.

Aw le, dam takin le,
Tiin i rual duhte’n;
Kan thlah nang che rihsang mual chu liam la,
Hlimte’n Lalpa fakin zai nang che.

Duhlai LC

 U H L A I      L.C.

Chinlai khuavel ah ka lei lal rengpui,
I kaina run nuam ka belhc hang ni hian,
I zawlaidi zun ka phur sual em ni ?
Ka duhaisam hian ka dawn vawn gvawng che


    Ka ngai em che aw ka duhlai  L.C.
    I tan ka theihna, ka nun ka hlan e;
    Hellai ‘d’thiang ten kan chhai dun lai che hian
    A riang hi sirah min hnawl lul suh aw…………


Ka rinna zawng leh ka beiseina chuan;
Hmangaihna rinawm min hlan ve mahna;
Mahse enchimloh i tang bel tur hian
A ngur nun leng dang i thlang dawn em ni ?


Tleitir sakhmeltha, i dawn chiang em ni ?
Hei ang hmangaihna nun zawng zawng hlantu;
Ka lawmna kim chu i hmangaihna chauh,
Min hlan tawh mai la engdang ka ngai lawng.

Dont Let me Down

Don’t Let Me Down (Min Hnawl Lul Suh)    

Duh luat vang nge!
Lung ka mawl vang?
Ka fiam sual che em ni, lungrunpui
Ka thiam lo aw min ngaidam rawh.


Don’t let me down,
Don’t let me down;
Don’t let me down

 
I tello chuan tlei a har ngei,
Tawn loh kar ni a rei vawng vawng \hin;
I rauthla tal tawn ka nuam e,
Don’t let me down.


Lam ang letin lo kir leh la,
Hlimte’n nau ang nui dun lehin maw;
Ka nuam e nang nen lungruala len dun.
Don’t let me down.   

Di Tleitir

Di Tleitir

Ka ngai em che aw di tleitir hmeltha,
Ka tan par in lo vulreng la.
Chutin run hmun  kanlen dun theih na turin,
Dam chhung hun hi thapui nang nen.
Hlim ten di lungrun I chen ang aw,
Nunhlui mual  liam hnu dawn kir tawh lovin-
Hlim ten hma hun tur I thlir zel ang.

Aw di lungrunpui ka hmangaih ber I ni,
Tlai khua kan var dun laizawng kha.
I tawngkam tha kha ka tan hian a hlu si,
Ka tan hian hlimna ber I ni.
Kumtluang nangnen vul  rengang aw,
Lungdumtu nang lo he lei ah hian e-
Tawnka in ring lo valmawi nang lo.

Hun kha leh chen kha e dam ten kan leng dun,
Tunah nun hlui mual an liam ta.
Ka ngai vawng vawng che ka thinlai hnemtu kha,
Dam ten khua hmun leng dun leh ang.
Ka tan chuan ka thlang lo leng dang,
Nunhlui mual liam hnu dawn kir tawh lovin-
Hlim ten hma hun tur I thlir zel ang.

Di Cham Bawihpuii

Di Chambawihpui

1. Tinkim dawn chang ni hian lungrukah
Thinlai khamtu leng tleitiri
Hmangaih biahthu nem te’n hlan ka nuam

Chorus:
Mahse biahzai nem te’n min chhang mai se maw
Sir ah min hnawl ka hlau leh si
A riang lunglawm ve nan maw biahthu di min hlan mai se maw
Aw Di Chambawihpuii’n

2. I sakhmel mawi ka thinlai khamtu
A riang lung mawl ka tan reng hian e
An lo chawi che I chun leh zua te’n

3. Luahloh Di zuna uai reng ai chuan
Fam changing pialral run rem ila
A nem mahna fam run nghah hun chuan

Darthlalang

DARTHLALANG

Run tin mawitu awih lai dar mawi,
I tel lo chuan hringfa leng rel,
A kim thei lo kumtluang chenah danglam ngailo,
Thudik tantu huaisenna thuam famkim sinin,
Roreltu dik i lo ni e.

Partlan sirva nungcha zawngten,
An iai nem Khuanu malsawmna,
Mahse duham chin lem neilo hringfa leng ten,
An bel thin che tuk chhuakin maw i zarah hian,
Mawi lehzualna beisei chungin.

Hrilhin sawi  thiam ve mai teh se engtin hril ang maw hringnun hi!
Hun liam tawh hnu thupbo tuma mawina tinreng,
Sawi ang belin siamtu kutchuak duhtawk lova,
Bumhmang kan lo chang leh thin hi.

Mahse nang chu danglam ngailo thudik tantu i ni si a!
Khawvel mawina inbumna thil mai mai te hian,
Chatuan an tling zo dawn si lo chawilai darmawi,
Hmuhtira fiahtu i ni e.

Chhuat Pui Rem Mam Lai ah

CHHUATPUIREM  MAM  LAIAH


I sakhmel rawn hawi la, maw nui hiau inl ungrun
Lungchim ten ka tang ah nang ngei pawm ve ila;
Awm khawhar lunglenl eh nau angtah ni zawngte,
Nghilh zel nang e i  kiang ah chuan

    Engdang ka ngai long e, ka sirah nangbei la,
    Rimawi tingtang rem leh biahthu ‘d’zai vawr nen;
    Chhuat puirem mam laiah tluang ten sir sawn dunin
    Lungrual ten aw i her dun ang

Zan khua reng a sei long, ka kiangah nang bei la,
A thianga lendunc huan tlai khua var mah na e,
A kiang ang nunhlui zawng tawnmang an chang zo si,
Hun thar lawmawm in i leng dun ang

Theih chang se kumtluang in ka kiangah nang awm la,
Nang  ngaia tah ni leh awmkhaw har suih lunglen;
Chawn ban hrui angv uan a duh ten buan ang pawmin
Laichhuat rem mam i fang dun ang

An Lung A Leng Ve Ngei Ang

An lung a leng ve ngei ang

Awm khawhar changin ka dawn vel thin a,
He hring nun par ang vullai ni te.
Mual min liam san thin kan hlim ni ten-
Hmanlai an chang zo, nghilh a har ngei.

Lenrual duhte nen hlimte in,
Zaitin kan vawr lai kha.
Ka ngai thin e thiante kha,
Kan lenna a dang zo ta si!
Ka hming an hriat chhuah changin,
Kan nun dan thin an dawn kir ve ang a,
An lung a leng ve ngei ang.

Han hawivel hianin tlang tin dam diai,
Thal romei zing riai lenkawl eng leh;
Chhem dam thlifim leh thing hnah nem ten,
Nungcha hram thiam ten min ngaih tir thin.

Aw Ka Pi Doctor

AW KA PI DOCTOR

Aw Ka pi Doctor
Ka lawm em em a ni
Min ti dam ta si a-3
Sawisen rual loh lawmthu hi
Ka hlan a che ,aw ka pi
Khawvel pum hi ka ta ni se
Ka hlan ang che, Ka pi, ka pi, ka pi, doctor

Ka lawm em em a ni
Min ti dam ta si a (3)

Hringnun hi a lo va mak ngai em
Ka hrilh dawt mai dawn che em ni le
Ka hmangaih tlat mai che hi
Engtin nge min chhan ve dawn le
Ka pi, doctor

Ka lawm em em a ni
Min ti dam ta si a- 3

Ka pum a na leh tlat, aw ka pi
Ka lu a na, mit vei lam ka meng thei lo
Ka thinlung hi jection la, a dam ngei ang
Ka pi, ka pi, ka pi doctor

Kan lawm em em a ni
Min ti dam ta si a-3

Ka taksa leh ka rilru hi
I tan chauh ka hlan tawh ang

A Rem Ve Si Lo

A REM VE SI LO


Aw ka dawnin Senhri Pari;
Ka hlimna ber ni mah la;
Run hmuna kan  lendun hi a rem ve silo
Ni tinin ka ngaizual che;
Hmangaihna, ka hrethiam lo,
Run hmuna kan lendun hi a rem ve si lo

    Aw eng an ka lo tawn che;
    Ka tah na ti tam mai tur i lo ni e

Romei zam a kai chiai e;
Lung damna awm si lo;
Siktui  em ni luang del ka biangah hian
Chun nun damten mi chawilian a,
Hmangaihna ka hrethiam lo; Lungngaihna mai lo ni e,
Kei ka tan hian

Leng dang tanglaiah bei angche,
Mahse, keizawng mi nghilhlo’ng che;
Fam dairial chan thleng pawhin ka hmangaih ang che
Pialral ram mawiah mi nghak la;
Thuro iangin kawp te-in kan leng  dun tawh ang a,
Hmangaihna ram ah.

A Her Si Lo

A Her Si Lo

Thalkhuaromeichhunnisensa ,
Khuachuaninthlirvelkanuamngei e.
A saw raltiangzobawnchamduai,
Hmanalenrualtenen ram kantuannaawi lung min len e.


Ngaiinka au chulhnu nun hluithinlaian a hluimawlhsi lo,
Ngaiinka au lenruallungduhte in dawn ve thin em le.
Kannunhluizawngkhakar a hlatuanna a dang ta simo;
Tawnlehnikawlan a her si lo.


Nunhluingaiintahkhuasei se,
Tun min handembikhianka ring lo.
Kanlennatlanglehmualzawngte a dang chuangsi lo;
Lung a leng e luaithlikanulleh thin.

Buannel Ram Dai

BUANNEL RAM DAI

Romei zamin tlangtin mualtin
A bawm chiai e, lunglen an.
Rairah riang val khaw chuan nuam an
Tlangtin, mualtin a dum dur e.

A saw raltiang lentu Zobawn saw
Chhingmit titlaitu tukloh ram chhah kar saw
Mingeng pasaltha lung tilengtu
Buannel ramdai lung dumtu

Chhuihthangvala ram tuanni chuan
Ka dawn kir thin kan vanglai
Hnu chhui thiam’an sa hrang chhui in
Kawitin ruamtin a hrut vel thin.

Ka lungdamna tukloh ramdai
Fang leh thei hian ka mawi lo
Theih zawng nise, hrut lehin maw
Chengrang chawia fan ka nuam e

Tunah zawng maw hai ang tarin
Vanglai nite an chuai ta
Buannel ramdai kawlva lenchham
Laifei chulin ka thlir vawng vanwg.

Kha Mah Mah

Kha Mah Mah
A thu : Vanneihtluanga; A thluk : Mangheta

Rual duh kha zawng pialleiah
Ngai chungin kan thlah liam a
Chung Khuanu zarah keini chuan
Hun tha kan lo thleng leh ta
Fel bik vang lah ni si lo!

Lawm lo kan awm thei dawn em ni?
Lawm kan awm chuan nui ila
Phur kan awm chuan tho ila
Hlim kan awm chuan zai ila
Kut kan neih chuan beng ila
Ke kan neih chuan pên ila
Lám lo kan awm thei dawn em ni?

    Khai aw, Zoram nuam, i hming chhalin
    Chawnban kan vawr lungrualin
    Sir kan sawn e vei lamah - one two three four
    Kha mah mah kan vei lam lehnghal!
    Zoram mawi, i hming chawiin
    Pheilai kan khai lungrualin
    Sir kan sawn leh ding lamah - one two three four
    Kha mah mah i tel lo lehnghal!

Rual duh intawng kan ni e
Vanglai hun hmang kan ni e
Hringnun sual hnuchhawn lehnghal!
Hei lo vai tur chawnban dang
Kan nei dawn lo
Äm lo kan awm dawn em ni?

Tum Tawk Leng

TUM TAWK LENG

1.       Mahriak awmkhawhar lunglen zual changin

Ka ngai mang e nun hlui za mual liam hnu

Ngai chung zel a, then hnu ngaih lai mi u

Khawi an tuan che maw.

                Duhten lengdang tang nem belin maw

                Run I rem?

                A riang thinlai na tur reng dawn lovin

                Kei chu vanduai khuanu leng

                Ruat reng ka lo ni.

                Tum tawk leng an piang si lo

2.       Thinlai na hi dam ni reng awm dawn lo

Khua lo ngui aw lunglen a zual thin mang e

Tuah rem loh di chun leh zua

A lal vangin maw lung min hersan le

3.       Thei chang ve se mual zapui kar dan ah

I siang lawina run mah ten fan ka nuam

Ka hlimna leh lawmna ber ngaih lai mi u

Khawi an tuan che maw.

Tleitirah Tleitiri

TLEITIRAH TLEITIRI

Kan intawhna lam kawiah,

Lungrualna dai kawnah;

Enchim loh Thadangi zun,

Aw, thinlaia’n a cham.

Tleitirah Tleitiri,

Zalengah Lengdawni;

Kei ka tan lungrun Ngaihzuali,

Run lum thaiah ka ti.

A heh lah chul zozam iang,

A trawn sam tha sei hniang;

A sakhmelah iang zo awm lo ?

A tangnem vur ang var.

Chimloh tha bung dawntuai,

I zunah val ka uai;

Relthang dawn lo nemrang puan maw,

Nemrang puan min zawn rawh .

A zun a zamin a cham,

Thinlai lung lai a kham;

Hraitin chawiah hual ang che,

Hual rawh Khuanu ka tan.

Annem tha Thanghniangi,

Tawh chang ni her leh rawh;

Biahthu hrui ang thlun zai rel i,

Khua tlai i dawn lo em ni ?

            Repeat Second Stanza