Tum tawk leng

TUM TAWK LENG

1.      Mah riak awm khawhar lunglen zual changin

Ka ngai mang e nun hlui za mual liam hnu

Ngai chung zel a, then hnu ngaih lai mi u

Khawi an tuan che maw.

            Duhten lengdang tang nem belin maw

            Run i rem?

            A riang thin lai na tur reng dawn lovin

            Kei chu vanduai khuanu leng

            Ruat reng ka lo ni.

            Tum tawk leng an piang si lo

2.      Thinlai na hi dam ni reng awm dawn lo

Khua lo ngui aw lunglen a zual thin mang e

Tuah rem loh di chun leh zua  hal vangin maw

Lung min hersan le

3.      Thei chang se mual zapui kar dan ah

I siang lawina run mah ten fan ka nuam

Ka hlimna leh lawmna ber ngaih lai mi u

Khawi an tuan che maw.

Khawi lam tleitir

KHAWILAM TLEITIR

A sakhming poh ka hriat loh kha

Lamtluang dungah kan in tawng a

Tah chuan a zunzamin min phuar

Thinlai ruka’n a cham reng e

Khawilam tleitir nge ni le

Tunge i sak hming min hrilh rawh

Khawi runah nge, tu hrai chawi nge

A chiang takin min hrilh ve mai la, zanin ngeiah

Ka lo leng ang, biahthu tinkim hlan tur che in

A sakhmel leh kim tlang zawng pawh

A mawi ngei e, a zei ngei e

A chhingmit meng mawi leh nui mawi

Thlir ninawm loh chhuihthangval tan

A nun dan leh a hawiher ah chuan

Leng leh tleitir zawng a ni lo

Kumtluang thai ang pawm ta ila

Sui lung chhir hian ka in ring lo.

Phurh zawh loh zun

PHURH ZAWH LOH ZUN

Khua rei nghah mai hi maw ka theih tawk ni ta

A va lo mak em i zun ngaih hi

Nghilh a har mang e di ka nun kha zawng

A thar zel ang ka tan dam chhungin

I sakhmel tawn changin thinlai a thar thin

Engtin nge ka tuar ang lung len hi

Mual liamin tleidang tang i bel ta si

Engah nge khuanu leng reng reng pawh hian

Min lo hlan mai le phur zawh loh zun

Chan tawk a lungawi dan tal hi thiam ila

Engtia na mah ni se lunglen chu

Ka dam te in ka lo tuar nem ve tawh mai tur

I lungdum tu tling lo mah ila

Nghilh loh di ngaihber e lo kir leh mai rawh

Parmawi tin piallei run mawi tin te

Uai lo kumtluang par leh si ar zawng ai pawn

I mawi ber si e kei ka tan chuan

Pari Zun

PARI ZUN

Ka hrilh tam ta che biahthu, di leh hla pawhin

Engtin lo ngai che maw, Di ngaihzual

Sirah hnawlin hnutiang mi chhawn dawn em ni le?

Aw min hrilh rawh i dawn lungruk

Dawn in thinlai a dam thei dawn nem maw

Phu loh leng Pari zun a uai chu

Dam hian ka ring lo lunglen hi bawihte

A zual zel, i zun leng ngaih

Biahthu hlan vangin lung min her san lo la

Ka ngen che aw bawihte, min hrilh rawh

Biahthu hlan vanga lung min hersan chuan e

Hlan mai nang e, i lungdam nan

Leng dang pawm a di thianga leng i nih chuan e

Sirtiang sawn relin ka kiang ta’ng

I tawn a ka hmangaih na i pawm a nih chuan e

Lawmte’n hlim zai ka vawr nang’e

Zoram Ngaih Hla

ZORAM NGAIH HLA

Zanin chu ka lunglen min hnem turin
Ram chhung leh pawn telephone bu te ka han thlir a
US unaute ka ngai
Zampui tlangdung Aw Manipur
Rangoon pawh zali kan chuang e

Aw zoram min nghilh bik suh ang che
Dawn changin Zoram kan ngai vawng vawng
Hmangaih biathu inhlan bang lawng aw

Zanin shillong tlang chhawrthla eng hnuaiah
Pianna zoram hmangaih ber te lenna
Kolasib ngaih a zual
Lenrual lungduh zawngte
Kan ram ngeiah hlimin an leng
Len ve hun aw ka nghakhlel

Zawmna:
Mi ramah zawng lunglen a na e
Lam ang lo let ka nuam e
A rei tawh lawng e
Min lo nghak la
Inthen tawh lawng aw

Zanin chu ka lunglen min hnem turin
Rualhlui zawngte autograph address ka thlir a
Hmana rualhlui famta te ka ngai
Hranghlui zaimi fam ta te ka dawn changin
Luaithlipui ka nul leh thin

Zaleng Hei Zawng Zingah

ZALENG  HEI  ZAWNG  ZINGAH


Zaleng hei zawng zingah hian
Min hnem  thiam reng an awm lo
Ka vai ruai e zaleng zingan
Ka lungdumtu reng an awm lo

    Suihlung a leng em mai aw nang then chu
    Zan khua tlai in a thar leh thin lairil ah
    Hmanah mi u tiam thu ‘d’ aw min hnemtu
    Dawn ti thar sei mai tur an maw
    Ka lo tawn che

Hmanah kan tiam thu ‘d’zawng kha
I hai der leh si a na lua e
Hmangaih biahthu min hlan zawng kha
A der mai maw min lo hlan.

When You Go Home

When You Go Home

When you go...
Tell them of us....

Zingtian bo ar zaitin thiama lo zai,
Zan mu tho ru hmelma  ral a hrang e.

Ram hmangaih valrual te’n raltiang an kai ta e.
Chhailai lung Di tawn leh ni tur tiam in,

Biahthu an hlan aw in tawng leh ang maw.
Mahse chhuihthangvalan ti hian biahthu a hlan ta.

“When you go, when you go home,
Tell them of us and say:

Hringnun  hlimte’n i hman ve nan-
Fam khawpui ka lawi ta e!”

Hrailengte’n zuapa tangah pawmin,
Biahthu  an hlan lam ang let leh turin.

Mahse hmangaih mamte,
Duhthu i samsual ta maw!